Home
એન્ટરટેઇનમેન્ટ
બોલિવૂડ અભિનેેત્રી અમીષા પટેલે કરોડપતિ બિઝનેસમેનના ખોળામાં બેસીને આપ્યો પોઝ, ચાહકોએ કહ્યું, બ્યૂટીફુલ કપલ

બોલિવૂડ અભિનેેત્રી અમીષા પટેલે કરોડપતિ બિઝનેસમેનના ખોળામાં બેસીને આપ્યો પોઝ, ચાહકોએ કહ્યું, બ્યૂટીફુલ કપલ

10:52 PM November 13, 2024 Gujju News Channel

હાલમાં બોલિવૂડ અભિનેત્રી અમિશા પટેલે સોશિયલ મીડિયા પર એક ફોટો શેર કર્યો છે. ફોટોમાં તે બિઝનેસમેન નિર્વાણ સાથે કોઝી જોવા મળી રહી છે. ચાહકોનું અનુમાન છે કે બંને ડેટ કરી રહ્યા છે.

Amisha Patel's Rumored Dating With Millionaire : બોલિવૂડ અભિનેત્રી અમીષા પટેલ છેલ્લે સની દેઓલ સાથે ફિલ્મ ગદર 2માં જોવા મળી હતી. આ ફિલ્મે બોક્સ ઓફિસ પર જોરદાર સફળતા મેળવી અને ઘણા રેકોર્ડ બનાવ્યા. અભિનેત્રી ભલે લાઈમલાઈટથી દૂર રહે છે, પરંતુ તે સોશિયલ મીડિયા પર ઘણી એક્ટિવ હોય છે.

► અમીષાએ બોયફ્રેન્ડ સાથે શેર કર્યો ફોટો?

અમીષા સોશિયલ મીડિયા પર તેના ગ્લેમરસ ફોટો શેર કરતી રહે છે. હાલમાં, અભિનેત્રીની એક લેટેસ્ટ તસવીરે સોશિયલ મીડિયામાં ભારે ચર્ચા ઊભી કરી છે. અમીષાએ ઈન્સ્ટા પર એક ફોટો શેર કર્યો છે જેમાં તે એક પુરુષના ખોળામાં બેસીને હસતી જોવા મળી રહી છે. આ વ્યક્તિનું નામ નિર્વાણ બિરલા છે અને તે એક જાણીતો બિઝનેસમેન છે. ત્યારથી સમાચાર ફેલાઈ રહ્યા છે કે અમીષા નિર્વાણને ડેટ કરી રહી છે. બંને હાલ દુબઈમાં છે.

► નિર્વાણના ખોળામાં બેઠેલી જોવા મળી

ફોટોમાં નિર્વાણ પણ અમીષાને પાછળથી ગળે લગાવતો જોવા મળ્યો હતો. તેણે અભિનેત્રીને ખૂબ જ પ્રેમથી જકડી રાખી છે. બંને કેમેરા સામે જોઈને હસી રહ્યાં છે. આ ફોટો પોસ્ટ કરીને અમીષાએ નિર્વાણને ડાર્લિંગ કહીને ઘણા હાર્ટ ઇમોજી બનાવ્યા છે.

► નિર્વાણે ફોટો પર રિપ્લાઈ આપ્યો

ફોટો પર કોમેન્ટ કરતાં નિર્વાણે કહ્યું હતું કે, બંનેએ સાથે ખૂબ જ મસ્તી કરી હતી. તેણે કોમેન્ટમાં અમીષા માટે 'લવ યુ' પણ લખ્યું હતું. અમીષાએ ફોટો પોસ્ટ કરતા જ ફેન્સ તેને અભિનંદન આપવા લાગ્યા હતા. ફેન્સ આશ્ચર્યચકિત છે અને મોટાભાગના લોકો ટિપ્પણી કરી રહ્યા છે કે શું નિર્વાણ અને અમીષા એકબીજાને ડેટ કરી રહ્યા છે. યુઝર્સે તેમને કપલ કહેવાનું પણ શરૂ કરી દીધું છે. એક યુઝરે લખ્યું- 'બ્યૂટીફુલ કપલ'. બીજાએ લખ્યું- 'તમે ખૂબ જ સુંદર અને ક્યૂટ કપલ છો.' ત્રીજાએ લખ્યું- 'હવે તારા સિંહનું શું થશે? તેનું હૃદય તૂટી જશે. હાલમાં આ અંગે અમીષાની તરફથી કોઈ જવાબ આવ્યો નથી.

► કોણ છે નિર્વાણ બિરલા?

નિર્વાણ એક ઉદ્યોગ સાહસિક અને ગાયક છે. તે બિરલા બ્રેનિયાક્સ અને બિરલા ઓપન માઇન્ડ્સનો સ્થાપક છે. અમીષા અને નિર્વાણની ઉંમરમાં ઘણો તફાવત છે. નિર્વાણ 30 વર્ષનો છે જ્યારે અમીષા 49 વર્ષની છે.